Adriatik Kelmendi është drejtor ekzekutiv në Klan Kosova. Ai është gazetar, moderator dhe opinionist nga Kosova. Aktualisht drejton emisionin “Rubikon” në të cilin trajtohen tema të ndryshme sociale. Ai është ligjërues në Fakultetin e Komunikimit Masiv në Kolegjin AAB dhe gjithashtu njihet dhe si shkrimtar dhe autor. Adriatik Kelmendi jeton dhe punon në Prishtinë.

Dafina Halili është gazetare dhe redaktore në Kosovo 2.0. Kryesisht punon në çështje të të drejtave të njeriut dhe drejtësisë sociale. Dafina mban një diplomë masteri në Diversitet dhe Media (Diversity and the Media) nga Universiteti i Westminster në Londër, UK. Pas studimeve master ajo u kthye në Kosove ku vazhdoi punën e saj si gazetare, dhe shkrimet e saj shtrihen nga çështjet që prekin të drejtat grave, personave LGBTQ+ dhe të minoriteteve etnike e deri te çështjet që kanë të bëjnë me krimet dhe trashëgiminë e luftës.

Amina Omid është gazetare nga Afganistani. Ajo wshtë Kosovë që nga viti 2023 si pjesë e programit “Gazetarët në Rezidencë – Kosovë”. Me origjinë nga Kabuli, Omid ka studiuar marrëdhënie ndërkombëtare në Universitetin e Gawarshad. Ajo ka punuar si shkrimtare, hulumtuese dhe prezantuese gjatë pesë viteve të fundit. Ka intervistuar 43 gra lidera, aktiviste dhe pjesëtare të Parlamentit të Afganistanit mbi perspektivat e tyre për çështje gjinore. Ka shkruar një numër artikujsh për Nimrokh Media e cila shqyrton problemet me bazë gjinore.

Adea Beqaj është Zyrtare e Lartë e Programit në NDI Kosovë, e fokusuar kryesisht në promovimin e integritetit të informacionit dhe luftimin e dezinformimit. Ajo ka përvojë në gazetari dhe njohuri të zgjeruar të industrisë së mediave dhe ambientit medial në përgjithësi. Puna e saj përqendrohet në zhvillimin e programeve dhe iniciativave në fusha të ndryshme si edukimi medial, siguria kibernetike, monitorimi i mediave dhe verifikimi i fakteve si dhe hulumtimet e opinionit publik. Aktualisht ajo është e angazhuar në projekte dhe aktivitete që synojnë t'i adresojnë sfidat kryesore të ambientit medial në Kosovë, duke rritur ndërgjegjësimin dhe informimin e politikëbërjes. Beqaj ka përfunduar studimet Bachelor në Shkenca Politike dhe Master në Media dhe Komunikim.