Alan Bowman është ambasador i Kanadasë në Kroaci dhe Kosovë. Ai ka shërbyer si zëvendësdrejtor i Divizionit të Marrëdhënieve Ekonomike Ndërkombëtare dhe Samiteve nga 2001 deri në 2004, si drejtor i Divizionit të Politikave të Azisë dhe Paqësorit nga 2004 deri në 2005, si drejtor i Divizionit të Strategjisë Rajonale nga 2005 deri në 2006 dhe si drejtor i Divizioni i Kërkimeve të Politikës së Jashtme nga 2011 deri në 2014. Ai gjithashtu ka shërbyer për një mandat dy-vjeçar si kryetar i Komitetit të Bashkëpunimit Ekonomik të Azisë dhe Paqësorit (APEC) për Tregtinë dhe Investimet në 2004 dhe 2005 dhe ka qenë i angazhuar me Zyrën e Këshillit Privy të Kanadasë nga viti 2010 deri në vitin 2011. Jashtë vendit, ai ka shërbyer në Ambasadën e Kanadasë në Tajlandë nga viti 1997 deri në vitin 2000 dhe në Misionin e Përhershëm të Kanadasë në Kombet e Bashkuara në Nju Jork nga viti 2006 deri në 2010. Së fundmi, nga viti 2014 deri në 2019, ka shërbyer si ministër-këshilltar dhe zëvendës drejtor i misionit të Kanadasë në Bashkimin Evropian në Bruksel dhe si vëzhgues i përhershëm i Kanadasë në Këshillin e Evropës. Ai ka përfunduar studimet për ekonomi në Universitetin McGill, 1991; DEA (Ekonomi e Aplikuar), Institut d’études politiques de Paris, 1993; MSc (Ekonomi), Université de Montréal, 1994).

Ritchie Torres është përfaqësues i Distriktit të 15-të të Nju Jorkut në Dhomën e Përfaqësuesve në Kongresin Amrikan. Ai ka shërbyer si anëtar i Këshillit të Qytetit të Nju Jorkut për distriktin e 15-të nga viti 2013 deri në vitin 2020. Në vitin 2013, në moshën 25-vjeçare, Torres u bë zyrtari më i ri i zgjedhur i qytetit të Nju Jorkut dhe personi i parë LGBTQ+ i zgjedhur në këtë pozitë në Bronx. Torres kryesoi Komitetin për Strehim Publik dhe ishte nënkryetar i shumicës. Si kryetar i Komitetit të Mbikëqyrjes dhe Hetimeve, ai u përqendrua në kreditë mashtruese të taksive dhe në Programin e Transferimit të Palës së Tretë të qytetit. Në vitin 2016, Torres ka qenë delegat për fushatën e Bernie Sanders. Në korrik 2019, Torres njoftoi për kandidimin e tij për distriktin e 15-të të kongresit të Nju Jorkut. Ai fitoi zgjedhjet e përgjithshme të nëntorit 2020, duke e bërë atë anëtarin e parë të Kongresit të hapur LGBTQ+ Afro-Latin. Si i tillë, ai është një nga nëntë bashkëkryesuesit e Grupit Parlamentar për të Drejtat LGBTQ+ në Kongresin e 117-të të Shteteve të Bashkuara. Torres është anëtar i Komitetit të Shërbimeve Financiare dhe shërben si Zëvendës Kryetar i Komitetit për Sigurinë Kombëtare.

Memli Krasniqi është kryetar i Partisë Demokratike të Kosovës (PDK) dhe deputet në Kuvendin e Republikës së Kosovës. Krasniqi ishte Ministër i Bujqësisë, Pylltarisë dhe Zhvillimit Rural (2014-2017) dhe Ministër i Kulturës, Rinisë dhe Sportit (2011-2014). Me themelimin e Kabinetit për Qeverisje të Mirë të PDK-së, Krasniqi u emërua në krye të Departamentit të Rinisë, ndërsa në tetor të vitit 2006 u zgjodh Kryetar i Rinisë Demokratike të Kosovës – organizatë rinore e PDK-së që përfaqëson anëtarët e saj të moshës 16-30 vjeçare. Po ashtu, Memli Krasniqi ka qenë nënkryetar i Partisë Demokratike të Kosovës dhe Shef i Grupit Parlamentar si dhe Nënkryetar i Kuvendit. Ai ka përfunduar studimet Bachelor në Shkenca Politike dhe Administrim Publik në Fakultetin Filozofik në Universitetin e Prishtinës dhe Master në Marrëdhënie Ndërkombëtare nga Shkolla e Londrës e Ekonomisë dhe Shkencave Politike. Krasniqi është kandidat për doktoraturë në Akademinë e Studimeve Albanologjike, Instituti për Histori.

Debora Peci është Menaxhere e Projekteve në programin për Qeverisje të Mirë në organizatën Demokraci Plus. Përvoja e saj përfshinë bashkëpunimin me institucione publike, grupe të qytetarëve dhe parti politike për të siguruar përfaqësim të drejtë dhe gjithëpërfshirje në procese politikëbërëse në Kosovë. Debora është anëtare e grupeve punuese dhe komisioneve të ndryshme të cilat synim e kanë lehtësimin dhe përmirësimin e komunikimit mes institucioneve dhe qytetarëve. Debora punon drejt ngritjes të transparencës dhe llogaridhënies insitutcionale përmes rritjes të aktivizmit dhe angazhimit qytetar në procese vendimmarrëse si në nivelin lokal, ashtu edhe në atë qendror.

Blerta Hoti është nënkryetare në Komunën e Goteborgut në Suedi ku ndër të tjera merret me çështje të shkollimit, kulturës dhe edukimit parashkollor. Znj. Hoti ka punuar si këshilltare politike e Ministrit të Mbrojtjes në Qeverinë suedeze si dhe këshilltare politike në Parlamentin Evropian për Eurodeputetët e partisë Socialdemokrate të Suedisë. Gjatë vitit 2011, znj. Hoti ka kryer punë praktike në Ambasadën Suedeze, veçanërisht në (Programi Suedez për Bashkëpunim Zhvillimor Ndërkombëtar (SIDA) në Prishtinë. Në vitin 2012 është angazhuar si ombudsman (mbrojtëse e të drejtave) për partinë Socialdemokrate dhe në organizatën rinore të partisë. Më 2014 së bashkethemeloi organizatën Klubi Socialdemokrat për Politikën e Sigurisë (SSÄK), në të cilën zgjidhet edhe si kryetare. Znj. Hoti ka diplomuar në studimet globale dhe marrëdhëniet ndërkombëtare në Universitetin e Goteburgut, Suedi. Gjatë studimeve ishte anëtare e bordit të fakultetit School of Global Studies, në të njëjtën kohë edhe aktiviste e lëvizjes së grave ku punonte vullnetarisht te organizata për të drejta të grave, Terrafem. Hoti ka lindur në Polac të komunës Skënderaj, Kosovë, ndërkaq në moshën 6 vjeçare është vendosur në Suedi.

Thierry Apothéloz është Këshilltar Shtetëror i Kantonit të Gjenevës që nga viti 2018. Apothéloz është anëtar i Partisë Socialiste në Zvicër. Më parë ka shërbyer si Këshilltar Administrativ në qytetin Vernier dhe si anëtar i Këshillit të Madh të Kantonit të Gjenevës. Përgjatë karrierës punuar si edukator i rinisë në organizata të ndryshme në Zvicër. Që 20 vite është i angazhuar në politikë në pozita të ndryshme si kryetar i Œuvre suisse d'entraide ouvrière (OSEO), nënkryetar i Fondacionit të Gjenevës për Animacion Sociokulturor (FASe), si nënkryetar i General Hospice dhe si president i Shoqatës së Komunave të Gjenevës (ACG). Apothéloz ka përfunduar studimet në Fakultetin Juridik të Universitetit të Gjenevës më 2011.

Jehona Lushaku është kryetare e Forumit të Gruas në Partinë e Lidhjes Demokratike të Kosovës (LDK). Aktualisht punon si profesor asistent në Universitetin e Prishtinës, Departamenti Shkenca Politike. Ajo ka mbajtur disa pozita menaxheriale si Drejtor për Bashkëpunim ndërkombetar në UP; Drejtor nacional i programit të BE-së Erasmus Plus; Këshilltare për Integrime Evropian dhe ka menaxhuar projekte evropiane për arsim. Lushaku ka përfunduar studimet Bachelor në Shkenca Politike dhe dhe Gjuhe gjermane pranë Universitetit të Prishtinës, kurse studimet Master në Integrime Europiane dhe doktoratësi përfundoi me lavdatë në Universiteti i Hanoverit, Gjermani.Ajo ka qenë bursiste e Konrad Adenauer Stiftung.

Diellza Kukaj është kryetare e Aleancës së Gruas së Kosovës (AGK ) që nga viti 2022. Ajo ka qenë kandidate për deputete në zgjedhjet parlamentare të vitit 2021 nga radhët e Aleancës për Ardhmërinë e Kosovës (AAK). Diellza Kukaj ka ndjekur studimet e doktoraturës në Universitetin Graz. Ajo ka shërbyer si Këshilltare Politike dhe Zëdhënëse në Ministrinë e Arsimit, Shkencës dhe Teknologjisë nga viti 2020 deri në vitin 2021.

Filloreta Hoti është kryetare e këshillit lokal të Rogovës në komunën e Gjakovës. Ajo është gruaja e parë e cila mban këtë pozitë. Është pjesë e organizatave joqeveritare që nga mosha 14 vjecare. Aktualisht vijon studimet në shkollën e mesme të lartë “Remzi Ademaj” dhe është pjesë e këshillit të nxënësëve të Kosovës ku i përfaqëson nxënësit e komunës së Prizrenit.

Abdülhadi Krasniç është kryetar i Komunës së Mamushës që nga viti 2017. Në vitin 2019 është emëruar nënkryetar i Partisë Demokratike Turke të Kosovës (KDTP). Ai gjithashtu ka shërbyer si Këshilltar Kryesor i Ministrit të Administratës Publike të Republikës së Kosovës në periudhën 2014-2017. Gjatë viteve 2012-2013 ka qenë anëtar i Komisionit Qendror të Zgjedhjeve të Republikës së Kosovës. Ai shërbeu si Kryetar i Bordit Ekzekutiv të Bashkisë Mamusha në vitet 2006-2009, dhe si Nënkryetar i Komunës së Mamushës në periudhën 2009-2014. Ai përfundoi studimet universitare në vitin 2004, në Departamentin e Ekonomisë, Fakulteti i Shkencave Ekonomike dhe Administrative në Universitetin e Uludağ-ut. Ka përfunduar studimet master në Kolegjin “Biznesi”, Departamenti i Menaxhimit dhe Financës në vitin 2019 me temën “Rëndësia e Sjelljes Motivuese në Zhvillimin e Burimeve Njerëzore”.

Caleb Waugh drejton Zyrën e Politikave të OJQ Aktiv në Mitrovicën e Veriut. Ai punon aty që nga viti 2018, ku bën hulumtime, shkruan mbi politika, bën analiza të tjera të ngjashme. Temat që ai mbulon me punën e tij përfshijnë të drejtat gjuhësore, të drejtat e komuniteteve joshumicë, mundësitë për shtetësi në Kosovë, dhunën me bazë gjinore, zgjedhjet dhe problemet me të cilat përballet komuniteti serb i Kosovës. Ai ka diplomë të bachelorit në Shkenca Politike nga Universiteti i Edinburgut në Mbretërinë e Bashkuar dhe ka diplomë masteri në Kërkime dhe Studime të Evropës Lindore nga Universiteti i Bolonjës në Itali. Ai ka kaluar dhjetë vitet e fundit duke punuar me shoqërinë civile në Kosovë ku ka udhëhequr projekte mbi dhunën me bazë gjinore, monitorimin e zgjedhjeve, të drejtat e komuniteteve joshumicë dhe të drejtat gjuhësore.