Ilirjana Toplanaj është asambleiste ne Kuvendin Komunal në Klinë nga radhët e AAK. Ajo ka përfunduar studimet master në Ekologji dhe Mbrojtje e Mjedisit, është me profesion agroekologe dhe po ashtu punon si menaxhere projektesh.

Imran Haziri është asambleist në Kuvendin Komunal të Gjilanit nga rradhët e LDK-së. Ai ka përfunduar studimet master në arkitekturë.

Jagoda Radović është një aktiviste me bazë në komunitet nga Lipjani. Ajo ka mbaruar studimet për ekonomi dhe ka punuar si doganiere.

Kaltrina Feka është Drejtore Ekzekutive në OJQ "COHESION". Në kuadër të studime post-diplomatike ajo ka përfunduar 3 specializime të cilat përfshijnë: të rriturit e shëndetshëm, fitnesin, parandalimi dhe shëndeti publik në Universitetin e Vjenës; Terapia e lëvizjes në popullatë me nevoja të veçanta në Universitetin e Koln; dhe Lëvizja në pleqëri në Universitetin e Danimarkës Jugore.

Kaltrinë Demiri është anëtare e kryesisë në degën e Prishtinës së Listës Guxo si dhe anëtare e këshillit të përgjithshëm të kësaj partie. Më herët ka kandiduar për deputete në Kuvendin e Kosovës. Ajo është hidro-inxhiniere me profesion.

Leutresa Rahmani është anëtare e LDK-së. Ajo ka përfunduar studimet master në mësimdhënie, profesion në të cilin punon.

Linda Krasniqi Osmani është pjesë e Policisë së Kosovës në departamentin e burimeve njerëzore. Më parë ajo ka shërbyer në divizionin e trajnimeve. Ajo ka marrur pjesë ne shumë konferenca vendore e ndërkombëtare që lidhen me rolin e grave në polici.

Lindita Purova është anëtare e LVV-së nga komuna e Prizrenit. Ajo ka përfunduar studimet master në komunikim masiv dhe gazetari.

Liridona Bislimi është asambleiste në Kuvendin Komunal të Vitisë nga rradhët e LVV-së. Njëkohësisht, Bilsimi është studente e masterit për juridik.

Liridona Gashi është kryetare e Rinisë Demokratike të PDK-së, nëndega Bardh i Madh në Fushë Kosovë. Ajo vijon studimet në shkenca politike në Fakultetin Filozofik të Universitetit të Prishtinës "Hasan Prishtina".

Loresa Sahiti është anëtare e kryesisë së PDK-së, dega në Gjilan. Ajo është studente dhe punon si menaxhere e prodhimit në firmën LoEI.

Lumira Kelmendi është gazetare dhe asistent redaktore në RTK. Ajo ka përfunduar studimet master në komunikim masiv dhe gazetari.

Lumnije Gjoshi Krapi udhëheq Drejtorinë për Shërbime Publike dhe Emergjencë nga radhët e PDK-së. Njëkohësisht, Gjoshi Krapi punon si mësimdhënëse.

Lumnije Ismajli është kryetare e Forumit të Gruas së LDK-së në fshatin Llazarevë të komunës së Obiliqit. Ajo ka përfunduar studimet në ekonomi.

Majlinda Shabani është asambleiste në Kuvendin Komunal të Vitisë dhe asistente profesionale në Grupin Parlamentar të LVV-së në Kuvendin e Kosovës. Gjithashtu, Shabani është Kryetare e Gruas në Vetëvendosje në Viti si dhe delegate në Këshillin e Përgjithshëm të LVV-së. Ajo ka përfunduar studimet master në ekonomi të bujqësisë dhe ushqimit.

Marqe Selmanaj është nënkryetare e komunës së Klinës nga rradhët e AAK. Po ashtu, ajo është kryetare e Grupit Avokues të Grave në komunën e Klinës i cili është themeluar nga Selmanaj në bashkëpunim me Zyrën për Barazi Gjinore në Komunën e Klinës.

Merita Bytyçi udhëheq Drejtorinë e Mirëqenie Sociale në komunën e Istogut nga rradhët e LDK-së. Ajo ka përfunduar studimet master në edukim në kujdesin shëndetësor.

Metije Kastrati është anëtare e Handikos Prishtinë. Paraprakisht, ajo ka qenë e përfshirë në një projekt të 3 mujor të Ministrisë së Diasporës.

"Mila Mihajlović është studente dhe udhëheqëse e komunitetit në fushën e të drejtave të grave dhe ballafaqimit me të kaluarën. Për momentin Mila është një avokate zyrtare e Zyrës Globale të UN Women. "

Ndriçim Çekaj punon në Kuvendin e Kosovës si dhe është zëdhënës dege i LDK-së. Ai ka përfunduar studimet master në shkenca politike.

Nedžmidin Sejdilar është asambleist në Kuvendin Komunal të Dragashit nga rradhët e ""Pokret za goru"". Ka studiuar për Teknologji Informative në Universitetin Ukshin Hoti në Prizren.

Nerimane Zhubi është pronare dhe menaxhere e nje biznesi privat në fushën e marketingut digjital. Ajo është nga komuna e Lipjanit.

Nurije Shala është Këshilltare e Kryeministrit dhe anëtare e partisë LPRK. Nga viti 2017 ajo ka qenë e përfshirë në shoqërinë civile ndërsa që nga janari 2021 ka filluar të angazhohet në politikë.

Ramadan Beshiri është drejtor ekzekutiv i OJQ-së Premisa nga Mitrovica. Ai ka përfunduar studimet master në sociologji.

Remzije Zekolli është zyrtare për barazi gjinore. Zekolli është po ashtu juriste me profesion.

Rinor Murati është asambleist në Kuvendin Komunal të Lipjanit dhe bashkëpunëtor administrativ në Drejtorinë e Urbanizmit në komunën e Prishtinës. Ai ka mbaruar studimet master në marrdhënie ndërkombëtare dhe diplomaci si dhe ato bachelor në gjuhë angleze.

Sadete Dubova vjen nga komuna e Kamenicës. Dubova është anëtare e organizatës jo-qeveritare Handikos.

Salem Kuljići është mësimdhënës i edukatës qytetare nga komuna e Prizrenit. Ai ka studiuar sociologji në Universitetin e Ankarasë dhe ka përfunduar studimet master për sociologji në Universitetin e Prishtinës.